گپ و ترانی گون ابلیسین شیطانء

پجار: واجه شیطان

ابلیسین شیطان مان سال 1348ء مان جهنمء کسانین کلگی بزان (کوشق) پیداگ بوت. آئیء بنداتی سبک ء چه

ّّپلینڈانے سبک جاه ء وتی دیپلمء پاس کت و پدا په ای تعلیمی دیم برگ ء هاترا جهنمی مسترین آباتی بزان قمء شت.و مان قمی مسترینپلینڈانے

سبک جاه ء پی ا چ ڈی ء مدرک (سند) گپت.من گون ابلیسء گند و نندء کت و چه آئیء بازین سیاسی مسله هان ، بلوچ کومئی سیاسی ،

راجی اڑ و جنجالان و ای دگه جیرهانی بابت ء گپ و تران کت.

ملنگ: سلام ابلیس

شیطان: سرو گردن بے ملنگ

ملنگ: واجه شیطان باز وشان که وتی گرانکیمتین وهد اشتگ و...

شیطان: زوت کن وتی جستان بکن. پوتاری منا وش نبیت. وهد کم انت همئی هنون منا شبینگ بیت که دو بلوچ طائفه مان مکرانا گلایش انت

که سهل و سلاه بکن انت . منی پرز انت که ای سهلء ناکام بکنان. زوت کن ترا چه گوشگی انت بگوش ؟!.

ملنگ: منی اولی جست چه شما، شمئی زاتی بارواانت و آ اش انت که تئی نام کئی انت و کجا نشتگی؟

شیطان: منی نام شیطان انت و لهتی چه ضد ، زهر و هژما ابلیس و ملعون هن گوشنت و چونائیا من قم نشتگان.بلئی بلوچستان ء سجئین کنڈ و دمگ منی لوگ انت.

ملنگ: شما چنت برات و گوهارات؟

شیطان: زانی ترا من بس نهان؟ هاهاها... منی برات و گوهار باز انت واجه.

ملنگ:اگه بوت کنت توانے چنتی نام ء بگرے

شیطان: جی هو، خمینی، صدام، هیتلر، خامنه ای ، رفسنجانی، شارون...... چونائیاهنوگین دوری گیشترین رهدربر منی برات و گوهاربوت کن انت.

ملنگ: تو وتی مدرک چه رشته ای ء گپتگ؟

شیطان: ّّپلینڈے ، وت مان وت جنگ دئیگ ، کشت وکوش و هرابکاری ء پی اچ ڈیء مدرک من گپتگ.

ملنگ: ترا وتی کجام کار گیشتر یات کاینت؟

شیطان: منا هیرو شیما ء اتم بمب ء پٹینگ و صبرا و شاتیلا بمباری ومان خلبچهء زهری گئیس ریچگ ء هاتره گیشتر یات کاینت.

ملنگ: تئی گیشترین ناراحتی و پریشانی کجام انت؟

شیطان: هر کس که تپاکی و اتحادی گپا بجنت هاس بلوچ کوم گڑا من سک باز پریشان بے هال و بدهال بان.

ملنگ: تئی مکسد و مراد هاس بلوچستانی باروا چی انت؟

شیطان: منی اولی مکسد و مراد اش انت که بلوچ کوما وت مان وت بیمڑینان و اودان کشت و کوش و تباهی بیاران. دومیگین مکسد اش انت

که جهانی ای دکه کومانی تها ناتپاکی و جنگ وپترنگ دور بدیان.

ملنگ: کئی سرا گیشتر بش بش ورے؟

شیطان: من آهانی سرا گیشتر بش بش وران که آ بلوچانی تپاکی واتحادء گپا جنگا انت و منا سکین زهری ای واجهانی سرا کئیت.

ملنگ: تئی نزیکترین سنگت وساڑے کے انت؟

هنچوش که من پیسرا ارز کت، منی هنوگین سنگت و ساڑے خامنه ای ، صدام، رفسنجانی اسامه بن لادن انت. اےزمانگے گیشترین رهدربر منی سنگت و ساڑے انت.

ملنگ: تئی هیالا دگنیایء مسترین تکنولوژی دیمروی کجام انت؟

شیطان: منی هیالا دگنیایء مسترین تکنولوژی دیمروی اتم بمب ، اف- 52بالیگ،شهاب1.2.3.4 و زهری گئیس انت .

یک اتم بمبء یا که زهری گئیسء ویل بکن سجئین دگنیا سر و چیر بیت.ای سجئین کوم کوشین سلاح چه منی علم و کراماتان جوڑ کنگ بوتگ انت.

ملنگ: ترا کئی گیشتر یات کئیت؟

شیطان: تو چیا ای باروا اینچو جست کنی. هنچوش که من پیسرا گون ترا ارز کت ملا خمینی ، صدام ، اسامه بن لادن و لهتے دگه منا سک یات کاینت .

ملنگ: پرچی ؟

شیطان: په ای هاترا که چیزی که من لوٹان و منی پی اچ ڈی ء مطابق ء انت اے واجکاران مان وتی ملکان دیما برتگ و انکت لهتی چه اهان که زندگ انت دیما برگا انت.

ملنگ: واجه شیطان بارین بگوش تئی آیندگی پروجکٹ چی انت؟

شیطان: منی آیندگی پروجکٹ بلوچ کوما گیشتر ناتپاک کنگ آهانا وت مان وت میڑینگانت. اوهنچوش میان استمانی

مزنین جنگی بنگیج کنگ و آئی ء چه رند گون اے نوکین تکنولوژی ء سجئین دگنیا تباه و بربات کنگ انت.

ملنگ: کجا وهد ء وتا را بی وس گندے؟

شیطان: وهدے که بلوچ کوم تپاک ببیت و هنچوش وتی زات و جریات و ضد و حسدا دور بکن انت ھنجو کسی که لا حول ولاکت شمین شیطان بوانیت.

ملنگ: من تئی باز منت واران که شما بازین جست و پرسانی بابتا وتی گپ درشان کت انت.

شیطان: من ھن تے سک باز منت وار که منا جست و پرس ات کت.... شیطانا وتی هبرانی کنگا چه رند ،اچ منا دزبندی کت که آیے ء باسک

جور ببان و چه بلوچی متحد کنگ و بلوچ کومے تپاک کنگے جار جنگان وتی دستا بکشان.

همئی درگتا من گون مزنین تواری و هژمئی کوکار کت و گوشتان:

ابلیسین شیطان ملعون خبیس او شومین شانزه پادا چه ادان وتی شکل ء گم کن مئیگ و تئیگ گپ و تران چه همدان هلاس...................................

واجهین برات و بانوکین گوهاران!

شیطانین ملعون گرک بوت و شت و من چه شما پهلی لوٹان و په شمئی اجازتا رکست بان و روان و چه شما دزبندی کنان که ای ملعونی هبرا مگرات و

وتی کشکا که هما تپاکی هوری و مچی انت بگرات.امیت کنان که ای گپ و تران په شما هچ پیمین دلپروشی و نگیگی په بلوچ کومی دیمرویء میاریت و

بلوچ کومئی کاروان وتی مکسدا که هما تپاکی، اتحاد، مچی و هورکاری انت سر ببیت.چیا که تپاکی بلوچ کومی کامیابی انت .تپاکی هر کومئی ء سلاح انت په

آ کومی حقانی گرگء واستا. شالا که هنچوش بات

ملنگ سربازی

Email: abdolbaloch4@hotmail.com